Spread the love

مہاراشٹر: مہاراشٹر کے وزیر وجئے ویٹیوار نے اعلان کیا کہ جمعہ 4 جون سے میاراشٹر کے 36 میں 18 اضلاع میں لاک ڈاؤن مکمل طور پر ختم کردیا جائے گا۔ویٹیوار نے کہا کہ ادھو ٹھاکرے کی زیرقیادت مہا وکاس اگھاڑی حکومت نے کرونا معاملات کے مثبت معاملات کی شرح اور آکیسجن فراہمی کی بنیاد پر ایک ان لاک پروگرام ترتیب فیا ہے جو 5 مراحل پر مبنی ہے۔جن اضلاع میں مثبت مریضوں کی تعداد کم ہے ان اضلاع میں کوئی پابندیاں نہیں ہوں گی۔پہلے مرحلے میں جن اضلاع میں پازیٹیوویٹی ریٹ 5 فیصد اور آکیسجن کی دستیابی 25 فیصد تک ہوگی وہ علاقے ان لاک ہوں گے۔ان اضلاع میں تھانے، اورنگ آباد، لاتور، ناندیڑ، جالنہ، پربھنی، بلڈانہ، ناسک، جلگاؤں، دھولیہ، ناگپور، بھنڈارا، گڈچرولی، چندرپور، گونڈیا، وردھا، واشم اور ایوت محل شامل ہیں۔
ممبئی میں ان لاک سے متعلق وجئے ویٹیوار نے کہا کہ ابھی ممبئی میں ان لاک نہیں ہوگا۔دوسرے مرحلے میں ممبئی کو ان لاک کیا جائے گا۔ اگر ممبئی میں پازیٹیوویٹی ریٹ کم ہوتا ہے تو لوکل ٹرین شروع کی جائے گی۔انہوں نے کہا کہ اس وقت ممبئی لیول 2 پر ہے اگر لیول 1 پر آتا ہے تو لوکل ٹرین سروس کا آغاز کیا جائے گا۔