احمد آباد: گجرات کے وڈودرا میں دیوالی کی رات اچانک دو برادریوں کے لوگ آپس میں لڑ پڑے جس کی وجہ سے پتھراؤ، آتش زنی اور توڑ پھوڑ شروع ہوگئی۔
دیوالی کی رات وڈودرا شہر میں سڑکوں پر شرپسندوں کا زبردست ننگا ناچ ہوا۔ دراصل وڈودرا کے پانی گیٹ علاقے میں پٹاخے پھوڑنے کو لے کر دو برادریوں کے درمیان جھڑپ ہوئی تھی۔ اس کے بعد دونوں فریقوں کے درمیان ہنگامہ اس قدر بڑھ گیا کہ پتھراؤ شروع ہو گیا۔ پرتشدد تصادم کے دوران کئی دکانوں اور گاڑیوں کو آگ لگا دی گئی جب کہ شدید توڑ پھوڑ کی گئی۔.
یہی نہیں گشت پر پہنچنے والی پولیس پر بھی پٹرول بموں سے حملہ کیا گیا۔ شہر کے مسلم میڈیکل سینٹر کے قریب پٹاخے پھوڑنے پر پرتشدد تصادم کے نتیجے میں نہ صرف پتھراؤ ہوا بلکہ گاڑیوں اور دکانوں کو بھی توڑ پھوڑ اور آگ لگا دی گئی۔ تشدد کی اطلاع ملتے ہی وڈودرا پولس اور اعلیٰ حکام موقع پر پہنچ گئے اور حالات کو قابو میں کرنے کی کوششیں کی گئیں۔.
پولیس نے صورتحال پر قابو پالیا اور پورے علاقے کا گشت کیا۔ جب پولیس گشت کر رہی تھی تو پولیس اہلکار پر بھی پٹرول بم سے حملہ کیا گیا۔ پولیس نے بتایا کہ اس کے بعد علاقے کے تمام گھروں میں کومبنگ کی جارہی ہے۔
